ஓரியன் கல்விச் சங்கம் என்பது சமூகத்தின் அனைத்துப் பிரிவுகளிலும் உள்ளடக்கிய வளர்ச்சியை உருவாக்கும் தொலைநோக்குப் பார்வையுடன் கூடிய திறன் மேம்பாட்டு அமைப்பாகும். இந்தியா முழுவதும் 29 க்கும் மேற்பட்ட மாநிலங்களில் செயல்படும் ஓரியன் கல்விச் சங்கம், விளிம்புநிலை சமூகங்களைச் சேர்ந்த வேலையற்ற இளைஞர்களுக்கு பல்வேறு வேலை வாய்ப்புகளை உருவாக்குவதை நோக்கமாகக் கொண்ட மிகப்பெரிய திறன் மேம்பாட்டு நிறுவனங்களில் ஒன்றாகும். தொழில்நுட்பம், மின்னணுவியல், பயணம் மற்றும் சுற்றுலா, சில்லறை விற்பனை, நெட்வொர்க்கிங், விருந்தோம்பல், விவசாயம், மொபைல் மடிக்கணினி பழுதுபார்ப்பு, சுகாதாரப் பராமரிப்பு, ஆடை உற்பத்தி மற்றும் வடிவமைப்பு, மற்றும் இது போன்ற பல்வேறு துறைகளில் நிலையான வாழ்வாதார வாய்ப்புகளை உருவாக்குவதில் கவனம் செலுத்துகிறது.

ஐஐடி கரக்பூர் கட்டடவியல் கலைஞர்களால் நிறுவப்பட்ட ஓர் இலாப நோக்கற்ற அமைப்பே ஆந்தில் கிரியேஷன்ஸ் ஆகும். இது உள்ளூர் மூலப்பொருட்களைப் பயன்படுத்தி மரபும் தொழில்நுட்பமும் இணைந்த நிலையான விளையாட்டு மைதானங்களாக மாற்றி குழந்தைகளின் முழுமையான வளர்ச்சிக்கு உதவுகிறது. அதே நேரத்தில் அதிகப்படியான சூழல்மாசைத் தடுக்கிறது. 5 ஆண்டுகளுக்கும் மேலாக, 210 டன் டயர்களை மறுசுழற்சி செய்வதன் மூலமும், இந்தியாவில் 20 மாநிலங்களில் 2,00,000+ குழந்தைகளைச் சென்றடைவதன் மூலமும் இந்தியா முழுவதும் 320 விளையாட்டு மைதானங்களை உருவாக்குவதில் பல்வேறு நிறுவனங்களுடன் அவர்கள் ஒத்துழைத்து வருகின்றனர்.

லேர்னிங் லிங்க்ஸ் ஃபவுண்டேஷன் என்பது 2002 ஆம் ஆண்டு தொடங்கப்பட்ட ஒரு இலாப நோக்கமற்ற அறக்கட்டளை ஆகும். வாழ்நாள் முழுவதும் கற்றலின் வாயில்களைத் திறந்து, நோக்கம் மற்றும் முன்னேற்றத்தை வளர்ப்பதே இதன் நோக்கம். சிறு வயதிலிருந்தே உண்மையான கற்றலை ஊக்குவிக்கும் தொலைநோக்குப் பார்வையோடு இயங்கும் இவ்வமைப்பு கல்வி, பயிற்சி, திறன் மேம்பாடு மற்றும் சுய முன்னேற்றம் தொடர்பான தீர்வுகளை வழங்குகிறது. அறிவு, புத்தாக்கம், மற்றும் தொழில்நுட்பத்தை பயன்படுத்தி வாழ்க்கையின் பல்வேறு கட்டங்களில் கற்றலின் இணைப்புகளை உருவாக்குகிறது. இதுவரை, எல்எல்எஃப் 1.78 கோடி மாணவர்களிடமும் 22 இலட்சம் ஆசிரியர்களிடமும் 52,000-க்கும் மேற்பட்ட பள்ளிகளிலும் நேர்மறையானதாக்கத்தை ஏற்படுத்தியுள்ளது.

1967-இல் நிறுவப்பட்ட 'ரத்னா நிதி அறக்கட்டளை' (RNCT), மாற்றுத்திறனாளிகளுக்கான உதவிகள், திறன் மேம்பாடு, சுகாதாரம், கல்வி மற்றும் பசி ஒழிப்பு ஆகியவற்றின் மூலம் மக்களின் வாழ்க்கையில் மாற்றத்தை ஏற்படுத்தி வருகிறது. 2.8 லட்சத்திற்கும் அதிகமான நடமாட்டத்திற்கு உதவும் சாதனங்களை வழங்கியுள்ளதோடு, கூகுள் (Google), ஃபோர்ப்ஸ் (Forbes) மற்றும் சிஎன்பிசி (CNBC) ஆகியவற்றின் அங்கீகாரத்தையும் பெற்றுள்ள இவ்வறக்கட்டளை, தனது மையங்கள் மற்றும் அரசு அங்கீகாரம் பெற்ற திட்டங்கள் வாயிலாக இந்தியா முழுவதும் தொடர்ந்து ஆக்கபூர்வமான தாக்கத்தை ஏற்படுத்தி வருகிறது.